الجزء الثالث من مدونات كيف تختاري منتجات عنايا صحيحة لجسمك
تكلمنا فى المدونات الى فاتت عن نوع البشرة واختلافها فى الفصول وتكلمنا عن الجزء الاول من منتجات العنايا بل جسم وهى الجزء التنظيفى وذكرنا فيهم انواع الشاور جل والتفرقة ما بينهم النهاردة بى اذن الله هنتلكم عن الجزء الثاني من منتجات العنايا بل جسم وازاى نختار كل منتج على حسب اية استخدامه يلا نبداء
الجزء الثاني من المنتجات العنايا بل جسم وهوا الجزء الترطيبى
لما نذكر هنا الجزء الترطيبى بيجى فى بلنا اي منتج بنستخدمة لترطبي الجسم وتغذية بس قبل ما نبداء فى شرح المنتجات لنتكلم عن اية فايدة الترطيب للجسم
عملية ترطيب الجسم هي عملية مهمة جدا جدا لحماية جلدك من العوامل البيئية الضرة بمعنى اوضح الجلد عبارة عن مسام صغيرة اوى اوى جنب بعضها
المسام دي بتتنفس وهى بتتنفس بتاخد من الاتربة والتلوث الى فى الجو حتى لو انتي فى البيت الجو نفسة ملوث واشاعة شمس فوق بنفسجية
هتقولى انا مش بتعرض للشمس اة بس الجو فى اشعة شمس فوق بنفسجية دة غير ان الخلايا بشرتك بتجدد كل شهر الجلد الى بيموت دة بيتراكم على الخلايا والمسام البشرة
وبيقفلها مع الاتربة لكي ان تتخيلي جسمك مستحمل اية تمام بعد الشاور المفروض ان جسمك انتى شلتى جزء من الاتربة والجلد الميت والمسام مفتوحة ونضيفة لو سبتيها بقا ومرطبتيش الجسم بيبقا جاف الجفاف دة فيما بعد بيعمل بقع وبيقلل نسبة الكولاجين الطبيعى الى الجسم بيفرزها فا بينتج السلوليت وعدم توحيد لون البشرة ومشاكل كتير انتى فى غنا عنها
طيب ازاى او استخدم اية للجسمى لترطيبة انا بشوف منتجات كتير لنفس البراند او المركة هنا هنشرح كل حاجة استخدمها اية
اولا البادى لوشن
البادى لوشن هوا لوشن قوامة خفيف فى منة انواع كتيرة طبعا افضلهم المركات الطبيعية زى ذا بادى شوب او باث اند بادى وركس او فيكتوريا مثلانوفى انواع بيكون فى بريحة العطر معين او فيتامينات او نسبة حماية من اشعة الشمس الفوق بنفسجية ولو مش متاح ممكن اى ماركة تكونى واثقة فيها ويكون عليها علامة وزارة الصحة تصريح لان فى حاجات مغشوشا بيكون دخل فيها مواد ضارة للجسم
طيب مناسب لى اية
البادى لوشن مناسب جدا جدا لموسم الصيف
او للناس اصحاب البشرة جسم دهنية اوى
لان قوامة خفيف والجسم بيمتصة بسرعة وبحافظ على الترطيب الجسم
البادى كريم
قوامة اتقل شوية من البادى لوشن وفى منة انواع كتيرة منها الى بيترك اثر دهنى وهوا مناسب للناس الى بشرتها جافة اوى او الناس الى بتحب لمعان على جسمها ومنة مش بيترك اى اثر دهنى طبعا ترطيبة اعلى كتير من الوشن وتركزية اعلى
مناسب جدا
لفصل الشتا لان البشرة بتكون مايلة للجفاف ومحتاجة ترطيب عالى ويثبت فى الجسم لمدة اطول
البادى باتر
وفى كتيرمننا مش فاهم البادى باتر بتستعمل ازاى او لية وطبعا من اشهر بادى باتر فى العالم بادى باتر ذا بادى شوب بعدها سوب اند جلورى بعدها فيكتوريا سيكريت وباث اند بادى وركس وغيرهم كتير بس دول اشهرهم وفى ناس كتير بتفكر انها مجرد ريحة حلوة وخلاص البادى باتر لو استعملت صح هتحبيها اوى اوى اوى
مناسبة جدا
بعد الاسكراب للجسم مجرد ما انتى بتفكرى فى اسكراب للجسم
يعنى انتي بتشيلي طبقة كبيرة من الجلد الميت والملوثات من على المسام وهنا بقا دور بادى باتر انك ترطبى البشرة بعمق اكبر لانها بتكون فيها فيتامينات كانها علاج مكثف مثلان دة غير ريحتها الحلوة الى هتفضل معاكى فترة فى جسمك لو استعملتيها بشكل صحيح
البادى اويل
فى ناس كتير بتفكر ان البادى اويل مناسب للمساج فقط ياعنى مجرد ما يذكر اويل للجسم ناس كتير بتفكرو مساج وخلاص ودة اعتقاد غلط لان فى انواع كتير من البادى اويل فى بادى اويل مخصص للمساج زى بادى اويل باث اند بادى وركس
وفى بادى اويل مخصص لعلاج البشرة زى بادى اويل فيكتوريا سيكريت
وهوا مش دهنى هوا علاجى مش بيترك اثر دهنى على الجسم نهائى بس بيديلها لمعة قوية المعة الى كل واحدة بتشوف ممثلة فى حفلة تقول لمعة جسمها دى منين المعة الى من غير جليتر دى لان فى انواع تانية بجليتر خفيف وبرونز دى هنتكلم عليهم لوحدهم
مناسب لى اية
البادى اويل المساجى طبعا مناسب للمساج والاسترخاء وفك العضلات
الجسم
اما لبادى اويل العلاجى فا هوا مناسب جدا جدا بعد السونة او حمام المغربى مثلان التقشير العميق اوى اوى للبشرة بيكون مناسب جدا جدا بعدة انك ترطبى الجسم ترطيب عميق اوى وقتها تشفى جسمك زى جسم الفنانات بيلمع
البادى دراى اويل
هوا من انواع الزيوت للجسم بردو بس بيكون لية عطر ممزوج فى وبيكون لتعطير الجسم العميق او لتعطير الشعر من اطرافة بيكون متعدد الاستعمل وخالى من اى مواد ضارة وكحول
مناسب
للجسم والشعر وطبعا اشهرهم فيكتوريا سيكريت ومناسب لتعطير الجسم لفترة اطول بعد الاسكراب بيدى لمعة بسيطة جدا صحية وفرش كدة
ملحوظة
افضل وقت للترطيب الجسم بعد الشاور والمسام مفتوحة والجسم لسة بية بعض قطرات المياة بعد الشاور مش والجسم جاف لان بيكون الجسم مسامة متفتحة فا بيستقبل المرطبات اكتر وافضل
كدة احنا خلصنا ونشوفكم على خير فى مدونات اخرى منتظرة اسئلتكم واستفسارتكم فى التعليقات
ل
تعليقات
إرسال تعليق