تجربتى الشخصية مع شامبوهات مشهورة بل صور ونتيجة تجاربى ونصائح عند الشراء
قبل ما ابداء أوضح كام نقطة
- لزم كل واحدة تحدد نوع شعرها لان مش معنى ان منتج سيء مع شعري يبقا سيء مع شعرك ممكن منتج يكون عمل نتائج كويسة معايا يبقا سيء معاكم والعكس
- معظم المنتجات دي لتفيد اكتر اصحاب الشعر الدهني الناعم السهل التقصف والتكسر
- عند اختيارك لمنتج دوري على مصدر موثوق منة لان فى منتجات كثير فى مصر مقلدة ومش اصلية
اولا إبداء بطريقة غسيل الشعر الصحيحة والصحية لفروة الراس
من الغلط
انك تستخدمي الشامبو مركز على فروة الراس مباشرا وخصوصا للاطفال ودة فى ناس كثير مننا بيقع فى الغلط دة
الطريقة الصح
انك تخففي الشامبو فى ماية وتوزعي كويس على الشعر مش فى مكان واحد ويفضل من اسفل الشعر لفوق
وتعملي مساج خفيف على الشعر 5 دقيق بطريقة دائرية ثم يشطف جيدا
من الغلط
وضع كمية كبيرة من المنتج على الشعر لان هتسبب فى جفاف شعرك وتساقط خصوصا ان تستعملي على مقدمة الراس مباشرا هيسب فى فراغات الراس
الطريقة الصح
وهى وضع كمية قليلة بحجم العملة على كاف الايد واستعملها لو حسيتي ان شعرك محتاج
تانى خدي كمية قليلة تانية حسب طول الشعر
من الغلط
تجفيف الشعر وهوا مبلل بي مجفف الشعر بالهواء الساخن
الصح
تجفيف الشعر بل هواء البارد او تركة ليجف
تجاربي لبعض منتجات
إبداء بي مجموعة شامبو من شركة اورفليم oriflame
طبعا بما انك عايشة بي مصر اكيد هتلاقى اعلانات لشركة اورفليم حوليكى وفى كل مكان استخدمت مجموعة milk and honey
المجموعة دي بتتكون من شامبو وبلسم وماسك للشعر اسبوعي
هبداء بل شامبو
تقريبا من افضل شامبوهات فى اورفليم اول ما تغسلي بي شعرك اول مرة
هتحسى ان شعرك حلو وناعم اوى وريحتو حلوة اوى اوى بصراحة بس مع طول الاستخدام حسيت ان شعري بقا دهني اكتر فا لزم اغسل شعري اكتر من مرتين فى الاسبوع الحد الطبيعي ودة طبعا مضر للشعر بسبب جفاف للشعر وتقصف بعد كدة
البلسم حسيته مفعولو سريع اوى يكمل نعومة الشعر اوى بس بردو المنتجات الى بتكون كدة بقلق منها لان بيكون فيها سيلكون ومواد كيميائية عاليا على قد النتيجة الى تبهر على قد ما بعد كدة هيضر شعرك وكنت بحس بتساقط شعر خفيف بعد استعملى لية
ماسك الشعر
حسيته مش ملوش لزمة كبيرة فى المجموعة دي البلسم والشامبو مفعولهم مش محتاج تحطي الماسك دة لانو قريب جدا من البلسم فا كنت بتستعملو ممكن مرة كل اسبوع او كل اسبوعين لما احس ان شعري فى جفاف اوى
خلاصة تجربتي المجموعة دي تقيمي ليها 5 من 10 بس لو نويا تعالجي شعرك ابعدي عنها لو بتستخدمى استشور او مجفف الهؤاء كثير وشعرك يهيش اوى ممكن تستخدمي ماسك الشعر بتاعها او البلسم كل اسبوع مرة او مرتين
تجربتي مع شامبو hair x من نفس الشركة
اقدر اقولكم انو من اسؤاء الشامبو الى ممكن تستخدميه بجد سيء جدا بنشف الشعر بطريقة مش طبيعية
فى العادي لما شامبو استعملوا وينشف شعري اول مرة بحبو واحسب اجربة لان بعد مدة استعاملى لية شعري بيرجع لطبيعته
لا الشامبو دة شعري قصف واتكسر وسقط بعد استعمالي لية لدرجة حسيت ملمس الشعر بداء يختلف لية هوا المفروض للقشرة بس سيء طبعا لية انواع تانية بس من تجربتي خفت اقرب لي اي نوع اخر من نفس عائلة الشامبو دة
شامبو eleo من نفس شركة
حبيته بينضف الشعر كويس ريحتو حلوة تقيمي لية 7من10 حسيتو بيدي لمعة كويسة للشعر بس نوعا ما بيخلى الشعر يهيش مع الاستعمال المتكرر وبيظهر تقصف الشعر
المنتج التالي جليس Gliss
استعملت منهم جليس الاسود بل كرياتين حقيقي حلو اوى
ريحتو حلوة اوى اوى وبتفضل فى الشعر فترة كبيرة مع بداية استخدامي لية تحسى شعرك حلو وناعم ويلمع بس بسبب الكرياتين الى فى المكونات لزم تستعملي فى حالة ان مسامية الشعر عندك عاليا بيعمل على ترميم الشعراية طبعا لو مسامية شعرك منخفضة هيحصل العكس شعرك هيتساقط لان هيمنع الشعر ان يوصلو المغذيات والاكسجين بتعتو فا هيضعف ويتكسر من احلى الشامبو الى استخدمتها وبحبها بس استخدامها بس لما احس ان شعري محتاج ترميم او كرياتين تقيمي لية 9 من 10
استخدمت البلسم
تقيمي لية 7 من 10 حسيتو مش واو مش زي الشامبو ريحتو حلوة اوى بردو حسيتو ينفع اكتر لو شعرك جاف اوى يعنى تستعملي كل اسبوع مرة
ولانى حسيت ان المدونة هتكون طويلة اوى فا نكمل فى جزء تاني قريبا جدا جدا لو اي استفسار اتركو تعليقاتكم وانا هرد عليها بى اذن الله كلها
تعليقات
إرسال تعليق