موضوع النها ردة يمكن يشغل بال ناس كثير فيكم عند اختيار المنتج الصحيح للجسم
بمعنى اوضح بشوف مثلان فى الا ستورى بادى لوشن وبادى باتر وبادى كريم ممكن من نفس المركة او ماركات مختلفة والسؤال هنا اختار اية فيهم المدونة دي هعلمك تختاري وتستعملي اية وامتي وازاى الموضوع طويل جدا بس هنقسمة على 3 مدونات استحملونا
1- نوع بشرتنا
وهنا لما بتكلم على نوع البشرة بتكلم عن نوع بشرة الجسم وليس الوجة لان المنتجات الجسم لا لا لا تستعمل للوجة نهائي ممكن منتج الوجة يستعمل للجسم ولكن ممنوع العكس لان ممكن بنت تجيب كريم يعجبها فا تحط منة على الوجة دة طبعا هيسببلك مشكل واهما الحبوب طيب طبيعة الجسم اية هنا احنا عموما بشرتنا بتتغير باختلاف الفصول الاربعة يعنى فى الشتا غير الصيف غير اختلاف الفصول بين الربيع والخريف انتي اكتر واحدة عارفة بشرتك بتكون عاملة ازى كل فصل ودة مهم جدا جدا فى اختيار المنتج المثالي لكل فصل وفترة بمعنى اوضح الى بشرتها دهنية فى فترة الصيف ممكن تكون جافة فى الشتا فا استعمل منتج الصيف مش هيفيدك فى الشتا
2_ نوع المنتج نفسة مهم جدا جدا احيانا بشوف بنات بتهتم جدا بي المكياج وتجيبوا براند غالى وممكن تجيب اي كريم للجسم من اي مركة ممكن مش معروفة وتقولك للجسم وخلاص دة غلط جدا جدا لية بقا لان الحاجات الى مش عارفين صناعتها اية او رخيصة ومجهولة الهويا دي بتكون مصنعة من مواد كيماوية وضرة جدا جدا جدا وبتسبب امراض على المدى البعيد
دة لو متسببتش بحبوب جسم او حساسية ابسط حاجة يعنى فا يا تجيبي حاجة طبيعية ومحترمة يا بلاش تجيبي خالص وعلى فكرة فى ماركات رخيصة ومختمة من وزارة الصحة مش لزم غاليا برند بس يكون منتج ثقة مش اي حاجة لية لان الكريم بيتشربو الجسم يعنى بتدخل الجسم يعنى لو فى اي مواد خطرة تدخل جسمنا وربنا جعل الكبد بيفلتر الكلام دة بس فى مواد زي الزرنيخ مثلان دي مادة سامة لما تتركز فى الكبد بنسبة كبيرة بتعمل تسمم ومشاكل كبيرة جدا دة غير مواد تانية خطيرة جدا تستخدم فى المواد التجميل هنشرحها بعد كدة فى المنتجات الى ممكن تدخل فيا فى مدونات اخرى مفصلة
ملحوظة مهمة غالبا احنا فى مصر مبنهتمش بجسمنا الاهتمام المطلوب فا تظهر مشاكل كثير فى جسمنا مبنفوق منها غير لما البنت تيجى تتجوز تبقا مش عارفة تحل اية ولا اية
وفى الغالب مش بتعرف تحل حاجة وتبقا نفسيتها زي الزفت لان العلاج البشرة او الشعر اقل حاجة عاوز 6 شهور عشان تلاحظي نتائج البنات تيجى قبل فرحها بشهر وتفضل تصوت حل لشعري حل لجسمي وتلف حولين نفسها فاء ابدائي من الوقتي لان الروتين الى هتعملية لجسمك هتفرحى بنتيجة بعد كدة كريمات والبادي اسكين مش مقتصرة على العرائس والمتزوجات فقط لا دة حتى لو انتي ام علمي بنتك من الوقتي ان زي ما بتستخدم الشامبو بتع الشعر وهى بتستحمى تستعمل البادي لوشن بعد الشاور طيب هي بيبي عندها 3 سننين مثلان هتلاقى بادى لوشن وبيبى جونسون للاطفال لحد ما تكبر من بعد 15 سنة تبدا تستعمل منتجات انتي تستعمليها وباريت لو طبيعية تبقا انتي بجد بتكسبي ثواب فى بنتك وباريت مهما كانت ظروفك المادية كويسة تتعود تجيب الحاجات بتعتها الشخصية من مصروفها علشان تتعود على مسؤولية نفسها ودة موضوع هشرحو باختصار بعدين فى بوست لوحدو
تعليقات
إرسال تعليق